التدوين لغه تعبر عن أفكارك و آراءك و فلسفتك الخاصة
التدوين يختلف عن وسائل الإعلام التقليديه بأنه إعلام حر
ما فيه قوانين تحكمك مثل المنتديات ولا انتظار الجريدة و لا المجلة يمكن توافق تنشر مقالك
التدوين تكتب و تنشر بضغطه زر
عندك فكره معينه بتوصلها للعالم تكتب كل اللي في الخاطر
بعض البنات تناقشت معاهم في موضوع التدوين يقولون لي اوكي حلو لكن يحتاج وقت طويل
بالعكس متى ما حسيت ودك تكتب افتح المدونة و اكتب اللي في بالك
أنت موب محدد بوقت ولا يوم معين للكتابه
و أتوقع إذا صار التدوين خيارك و فتحت مدونة و لاحظت تفاعل العالم معاك راح تتحمس تكتب أفكارك أكثر و أكثر
بالنسبه للفتيات يمكن تستصعب إنها تكتب باسمها الحقيقي لأسباب تختلف من شخص لآخر
لكن لكِ الخيار أن تكتبين باسمك الأول فقط او حتى باسم مستعار
شخصياً بدأت الكتابه باسمي الأول فقط و بعد فتره أضفت العائلة
أذكر وقتها وحده من البنات تقول لي أنتي خلاص بعتيها ( ليه في مول ! ) السبب إنه ممكن العالم بسهوله تعرفني
ردي لها ما أخجل من أفكاري ولا كتاباتي عشان أتخفى عن الناس
يا حلوه ما عندي مشكله ولا أهلي لذا لي الفخر كوني أنا / 
ثقة واصله حدها الآن
هالفتره الإعلام التقليدي صار يسلط الضوء على الإعلام الحر يمكن لأنهم يدركون أهميته و يمكن لأنه أكثر مصداقيه و أكثر شفافيه 
ليست هناك تعليقات:
إرسال تعليق